Fanongonongo fe’auhi Sivihiva ki he teuaki ‘o e Katoanga’i ‘o e ta’u 150 ‘o e Konisitutone
‘Oku ou faka’apa’apa ke fakahoko atu ‘e fakahoko ha fe’auhi sivi hiva ke fakamanatu’aki ‘a e ta’u 150 ‘o e Konisitutone he fonua ni.
Ko e sivi hiva ni ‘e fakahoko ia he kalasi ‘e ua:
- Hiva fakakulupu tokoni’i ‘e he me’alea
- Sivi hiva taautaha
Ko e fe’auhi ‘e fakahoko mei he ‘aho 31 ‘Okatopa 2025 ‘o toki faka’osi ki he Monite 3 ‘o Novema pea foaki ai mo e ngaahi pale.
Ko e ngaahi fiema’u: Fe’auhi Hiva Fakakulupu
- Hiva kakala fakakulupu tokoni’i he’e me’alea
* Fa’u fo’ou ki he ta’u 150 ‘o e Konisitutone
* Fakalea’o e hiva ke fakamatapule
* Ke ‘i he miniti ‘e 2:30 (veesi ‘e ua mo e tau) e loloa
* Tokolahi ko e toko 20-30 tangata mo fefine
* Me’alea ki he hiva tokoni’i he me’alea pe ko e fakame’alea kuo hiki ki ha flash drive
* Malie e afo ke ngaue’aki
* Teunga fakafonua faka-Tonga
* Tau’olunga hou’eiki fafine tokotaha pe lahiange ki he toko nima
Fe’auhi sivi hiva taautaha
* Ko e tokotaha pe (Fefine pe tangata)
* Fa’u fo’ou ki he ta’u 150 ‘o e Konisitutone pea hiki ki ha flash drive ‘a e fakame’alea
* Loloa e fo’i hiva ke ‘i he miniti ‘e 2:30 (veesi ‘e ua mo e tau)
* Fasi ke vavevave pe mamalie
* Malie e afo ke ngaue’aki
*Teunga hiva ke fakamatapule
* Vaha’a ta’u 21-40 fefine pe tangata
Ko e lesisita ‘e kamata ia he ‘aho Monite 22 ‘o Sepitema, 2025 ki he ‘Ofisi ‘o e Palemia mei he taimi 9am-3pm mei he Monite ki he Falaite. Ko e foomu ‘e ma’u atu mei he peesi mitia fakasosiale PM Press pe ko e uepisaiti www.pmo.gov.to pe mei he ‘Ofisi ‘o e Palemia ‘i Nuku’alofa he Monite.
Ko e lesisita ‘e fiema’u ke ke lava mai mo e ngaahi fiema’u ni:
– Hingoa ‘o e kulupu Hiva pe tokotaha hiva
– Hingoa ‘o e fa’u fo’ou
– Kolo
– Hingoa tokotaha fa’u hiva
– Lea ‘o e hiva
-Hingoa ‘o e tokotaha fetu’utaki
– Lakanga he kulupu
-Paasipooti mo e la’ita paasipooti ‘e taha
– Ka ‘oku ‘ikai ha paasipooti ‘omai ha la’ita paasipooti mo e tatau e tohita’u
– Ko e ha e me’alea ‘e ngaue’aki
– Vaha’a ta’u motu’a e kulupu/Ta’u motu’a e tokotaha hiva
– Tu’asila, ‘imeili, fika telefoni pe ko e messenger he mitia sosiale
Ko e ngaahi pale kuo teuteu ki he fe’auhi ni ‘oku lelei ‘aupito!
Ko e faingamalie eni ke tau kau ki hono katoanga’i ‘o e 150 ta’u hotau Konisitutone. Fetu’utaki mai ki he fika telefoni 7401351 ki he fakaikiiki.
Malo
Komiti Hiva ki he ta’u 150 Konisitutone
