TANUPOU ‘O E LANGA ‘O E FALEALEA FO’OU ‘O TONGA ‘I HE TOFI’A KO TALANGALOTO
![](https://pmo.gov.to/wp-content/uploads/2023/09/falealea6-1024x616.jpg)
1 Sepitema 2023
‘EIKI PALĒMIA, HON. HU’AKAVAMEILIKU
‘OKU OU KOLE KEU FAKAMALUMALU ATU HE TALA KUO ‘OSI HONO AOFAKI´
KAE TOE LIU PE MU’A ‘A E FAKATAPU´, TELIA ‘A E ‘AHO NI MO HONO KAVEINGA FUNGANI´
TAPU MO E HAU E FONUA KINGI TUPOU 6
TAPU KIA KUINI NANASIPAU’U
TAPU ATU MO PILINISI TUPOUTO’A ‘ULUKAKLALA PEA MO PILINISESI SINAITAKALA
TAPU PEA MO PILINISI TUNGĪ MO HA’A MOHEOFO
TAPU PEA MO PILINISI KALANIUVALU MO E HOU’EIKI E FONUA´
FAKATAPU MO E SEA E FALEALEA MO HONO HOU’EIKI MEMIPA KOTOA
PEHĒ ‘A E FAKATAPU KI HE KAU TALAFEKAU MEI HE NGAAHI FONUA MULI
FAKATAPU MO E ‘EIKI PALESITENI MO E KAU TAKILOTU E FONUA
PEA KI HE TONGA KOTOA OKU TAU LŌNUKU ‘I TALANGAHOLO
PEA MO KINAUTOLU ‘OKU MOU KAU MAI HE OPE´
‘OKU OU KOLE KEU HUFANGA ATU ‘I HE LOTU LELEI ‘A HOTAU FAKAMO’UI´ KAU FAKAHOKO ATU E FATONGIA NI KO E FAKAFOFONGA ‘O E PULE’ANGA, NGAAHI HOA NGĀUE KOTOA HE LANGA FAKALAKAKA ‘I HE MALUMALU ‘O E PANGIKĒ ‘A E PULE’ANGA´ MO E FONUA´.
FATONGIA ‘I LOTO TONGA, FAKAFETA’I ‘OKU HA’ELEA HE’ENA ‘AFIFIO ‘A E TANUPOU ‘A E FALEALEA FO’OU ‘O TONGA PEA MO E MOKOI ‘A ‘ENE ‘AFIO KE TU’U ‘A E SINO MAHU’INGA KO ENI ‘I TALANGAHOLO HE’IKAI TE U SANI MOU VIKI HE KO E HEILALA´ ‘OKU KEI MATALIKI ‘ISA, ‘A E TU’U TAKAI ‘A E NGAAHI ‘API TUPU’A´. ‘A MATĀLIKU. ‘A MATATOA – ‘A E ALAFOLAU NE TEU’I MEI AI E ‘ULUAKI FĀ KI HE SIKA´. KI HE TAUKEI MO E LI’OA KOE’UHI´ KO TONGA. NA’E AKO AI FEINGATO’A PEA KE FAKATAUKEI AI ‘A ’ENE TO’A KOE’UHI´ KO HA IKUNA MA’AE LELEI FAKALUKUFUA MA’A TONGA.
‘A TUFUMĀHINA Ē KO E FAKATALUTALU. KOENI KUO TAU ‘I TALANGAHOLO. KE FAKAOLA HA PUNUNGA, KO E FATU’ANGA ‘O E LAO´, KE TATAKI MO MALU’I AI HO FONUA´. KE TALIA E ANGI MEI TUFUMĀHINA MO E ‘API KO VILA´.
‘ISA HE TONU AI E LĪFOHE´, PEA TONU AI E FAKANOFONOFO´, KAE ‘AMO KO E ‘ILO ‘OTUA´ MO E LAU MĀLŌ´. KE TOE FAKAMA’OPO’OPO MAI KI HENI ‘EMAU FOUNGA´, TELIA E NGAAHI ‘AHO NI MO HONO NGAAHI POLE ‘I HE HALAFONONGA´. ‘O TAKA OFI HE NGAAHI ‘ULUTOA´ MO HONO TALANOA KE MA’U AI HA FAKAHINOHINO KO E TŪHULU KI HE SIATE FOLAU ‘A E PULE’ANGA´ MO E FONUA´.
‘OKU MAU KEI TULIFUA KI HE FAKATAULAMA ‘A E LA’Ā KUO UNGAFONUĀ, KUINI SALOTE TUPOU III, HE ‘ENE MAA’IMOA TUAIKAEPAU:
TAMA TONGA PE’I TULI KAVEINGA
TAUMU’A KI HE FETU’U NGINGILA
TAMA TONGA, MA’U PĒ HO LOTO´
KE LAU E TAUMU’A NGAHOLO´
TAMA TONGA, FUSI A’U HO’O FUKA
‘ULITU’U KI HE MOTO E FONUA
FAKAMOLEMOLE ATU FATONGIA ‘I LOTO TONGA
KAU FAKAHOKO ATU ‘EKU FAKAHOHA’A NI ‘I HE LEA FAKAPILITĀNIA KOE’UHI´ KO HOTAU NGAAHI KAUNGĀ UMATAHA MEI MULI ‘I HE PAOTOLOAKI E MAA’IMOA NI.
![](https://pmo.gov.to/wp-content/uploads/2023/09/HM.jpg)
![](https://pmo.gov.to/wp-content/uploads/2023/09/HM2.jpg)
![](https://pmo.gov.to/wp-content/uploads/2023/09/CrownPrince.jpg)
![](https://pmo.gov.to/wp-content/uploads/2023/09/CrownPrincess.jpg)
![](https://pmo.gov.to/wp-content/uploads/2023/09/speaker-parliament.jpg)
![](https://pmo.gov.to/wp-content/uploads/2023/09/toast.jpg)
![](https://pmo.gov.to/wp-content/uploads/2023/09/toast2.jpg)
![](https://pmo.gov.to/wp-content/uploads/2023/09/falealea4-scaled.jpg)
![](https://pmo.gov.to/wp-content/uploads/2023/09/falealea5.jpg)
![](https://pmo.gov.to/wp-content/uploads/2023/09/parliament.jpg)
![](https://pmo.gov.to/wp-content/uploads/2023/09/falealea2.jpg)
![](https://pmo.gov.to/wp-content/uploads/2023/09/falealea3.jpg)
![](https://pmo.gov.to/wp-content/uploads/2023/09/falealea6.jpg)