Fakaava ‘o e Uike Tukuhau 2021
26 ‘Okatopa 2021
Na’e fakaava ‘e he ‘Eiki Palemia, Faifekau Toketa Pohiva Tu’i’onetoa, ’a e Uike Tukuhau ‘o e 2021 ‘i he ‘aho 25 ‘Okatopa 2021 ‘i he Uafu Taufa’ahau Tupou IV.
Ko e kaveinga ‘o e Uike Tukuhau ‘o e ta’u ni, “Tau Kafataha ki he Tonga Tu’utai he Taimi Faingata’a ni.” ‘I he’ene me’a na’a ne fakaha ai, “…ko e filosofia ‘o e kafataha ‘oku ne pukepuke ‘a e tu’unga malohi ‘oha fale ‘i he hoko mai ha faingata’a pea ‘oku mahu’inga ‘aupito ke tau kafataha ‘o tau fekau’aki kae ma’uma’uluta pea tu’utai hotau fale koe Pule’anga ‘o Tonga…”.
Na’e faka’ilonga’i makehe ‘i he polokalama ni ‘a e Misini tali totongi (cash register) ki hono fakama’opo’opo ‘a e tukuhau totonu ke ‘omai ki he pule’anga pea tauhi ai e lekooti totonu ‘a e pisinisi.
Ne me’a ‘i he polokalama ni ‘a e Hou’eiki Minisita ‘o e Kapineti, Sekelitali Pule mo e Sekelitali ki he Kapienti, Kau Pulengaue, mo e kau Pule Pinisinisi kotoa pe ‘i Tonga ni.
