“Fanongonongo: ‘Aho mālōlō Kilisimasi 2023/2024 ma’a e Ngāue Faka- Pule’anga.”
31 ‘Okatopa 2023
‘Oku fanongonongo atu heni mei he ‘Ofisi ‘o e Palēmia ke mea’i ‘e he kakai kotoa pē ‘o e fonuá ‘a e vaha’a taimi ‘o e ngaahi ‘Aho malolo Kilisimasi ma’ae ngāue Faka-Pule’anga ki he 2023/2024, hili hono tali ‘e he Kapineti ‘i he 27 ‘o ‘Okatopa 2023.
Ko e taimi mālōlō Kilisimasi ‘a e Pule’anga ki he 2023/2024 ‘e kamata ia ‘i he taimi 8:30 pongipongi ‘o e ‘aho Tu’apulelulu 21 ‘o Tῑsema 2023 ‘o ngata ki he 4:30 efiafi ‘o e ‘aho Tusite, ua (2) ‘o Sanuali 2024.
‘E kamata ngāue ‘a e Pule’anga ki he Ta’u Fo’ou 2024 ‘i he taimi 8:30 pongipongi ‘o e ‘aho Pulelulu ‘aho 3 ‘o Sanuali 2024.
Kataki kae fakatokanga’i ange, lolotonga ‘a e ngaahi ‘aho malolo Kilisimasi ni, ‘e kei hokohoko atu pe ‘a e fakahoko fatongia ‘a e ngaahi Potungaue tefito ‘a e Pule’anga ki he Hou’eiki mo e kakai ‘o e fonua, hangē ko e Potungaue Mo’ui, Potungaue Polisi, pea pehe ki he Va’a Kasitomu, pea te nau toki fanongongo atu pe ‘a ‘enau ngaahi taimi ngaue, ‘i he ngaahi uike ka hoko mai.
‘I he hili ‘a e ngaahi ‘aho mālōlō Kilisimasi ‘e hoko atu ai mo e Uikelotu angamaheni ‘o e ta’u fo’ou, pea ‘e tāpuni ai pē ‘a e ngāue faka-Pule’anga ‘i he taimi 4:00 efiafi ‘o e ‘aho kotoa.
Faka’apa’apa atu,
Mei he
Sekelitali Pule mo e Sekelitali ki he Kapineti
-NGATA’ANGA-
