27 Sanuali 2021

Na’e me’a ‘a e  Tangata’eiki Palemia Hon. Rev. Dr. Pohiva Tu’i’onetoa, ko e fakaafe fakalangilangi  ‘o e ‘aho fakavaha’apule’anga ‘o e Kasitomu, ‘i he Uafu Taufa’ahau Tupou IV , ‘i he ‘aho 26 Sanuali 2021.

Ko e Kaveinga ‘o e ‘aho fakamamani lahi ‘a e kasitomu ki he 2021, “Ke faivelenga hono hakeaki’i, fakafo’ou mo fakatupulekina ‘a e fakatupu koloa tu’uloa, ke ne malu’i e mo’ui e kakai mei he COVID 19”.

Na’a ne fakamanatu ki he Kau ‘Ofisa Kasitomu, ‘a e mahu’inga honau fatongia ki hono malu’i hotau Fonua mei he COVID-19, he ‘oku nofo ‘i lelenga e Fonua, ka ‘i he’enau faka’utumauku honau fatongia ‘e maluhao ai hotau fonua.

Na’e me’a ‘i he ouau ni ‘a e Hou’eiki Minisita ‘o e Kapineti, kau Pule Ngaue mo e kau fakaafe tokolahi.