Me’a ‘a e ‘Eiki Palēmia ‘o fakataha mo Palesiteni Kagame

24 Sune 2022

Kigali, Rwanda – Na’e me’a ‘a e ‘Eiki Palēmia, Hu’akavameiliku, ‘i he ‘aho ni ‘o fakataha mo e Palesiteni ‘o Rwanda, HE Paul Kagame, ‘i Kigali pe.

‘Oku lolotonga me’a ‘a Hon. Hu’akavameiliku ‘i Kigali ‘i he Fakataha ‘a e Kau Taki ‘a e Ngaahi Fonua ‘o e Kominiueli pe koia ‘oku ‘iloa ko e CHOGM2022, ‘o fakahoko ‘a e fakataha ki he me’a’anga ‘o Palesiteni Kagame ‘i he kolo ko Urugwiro.

Ne fakahā ‘e he ‘Eiki Palēmia ‘a ‘ene hounga’ia ‘i he faingamalie kuo ‘oange ma’ana kene fakataha ai mo Palesiteni Kagame pea mo ‘ene fakahoko aipe ‘a e talamonū mei He’ene ‘Afio Kingi Tupou VI.

‘Oku talitali ‘e Palesiteni Kagame, Pule’anga mo e kakai ‘o Rwanda, ‘a e fakataha ‘a e GHOGM2022.

Na’e kau atu ki he fakataha ni ‘a e ‘Eiki Minisita ki Muli, Hon. Fekitamoeloa ‘Utoikamanu pea mo e Sekelitali Pule mo e Sekelitali ki he Kapineti, Edgar Cocker.

-NGATA’ANGA-

Leave a Reply

Your email address will not be published.