Me’a e ‘Eiki Palemia he fainolo ‘o e Fe’auhi ‘Akapulu ‘Iunioni ‘a Tonga na’e ikuna ‘e he timi ‘a Kolomotu’a
30 ‘Aokosi 2021
Na’e ikuna’i ‘e he timi ‘akapulu ‘a Kolomotu’a ‘a e fainolo ‘o e fe’auhi ‘akapulu ‘Iunioni ‘a Tonga ‘i he ‘aho 28 ‘o ‘Aokosi 2021.
‘I he me’a ‘a e ‘Eiki Palemia Faifekau Toketa Pohiva Tu’i’onetoa na’a ne fakahā ai “ko e ‘epoki fo’ou ‘eni ke tau ‘oange ‘a e faingamalie tatau ki he fanau fefine ke nau fakaha ai honau taleniti ‘i he mala’e ‘o e sipoti ‘o e ‘akapulu.” Pea ke hokohoko atu aipe ‘a e poupou ki he to’utupu ke hoko ‘a e mala’e ‘akapulu ko ha feitu’u ke teu’i ai ‘a e fanau tangata mo fefine he mala’e ‘o e mo’ui lelei, ngaue fakataha, faka’apa’apa pea mo e lava me’a.
Ko e ikuna’i eni ‘e he timi ‘a Kolomotu’a ‘a e timi ‘a e Toloa Old boys ‘i he fainolo ‘aki e kai ko e 18 – 17.
Ko e talu eni mei he 1990 tupu ‘a hono ikuna fakamuimui ‘e Kolomotu’a ‘a e sila ‘o e fe’auhi.
